du bisch döt:

home > familypage > Aline

Aline

Hoi! Cool das es di uf mini Page (also, dä Teil vo derä Page wo MIR elei ghört ^^) verschlagä hätt! Wännd chli vo mir wotsch läsä, lis witer, suscht chasch er grad wider gah xD. Und wännd das wo n ich schribä nöd verstasch, bisch kein Schwizer :) (was nöd heisst, dass ich kei Usländer gern han, im Gägäteil, ich hassä d SVP!)

Geboren am 24. Dezember 1992

Also, ich bin d Aline Suzanne Jacot-Descombes (Aline langed xD), im Momänt no 14ni.
Ich gangä sit dä Summerferiä (hüt isch dä 4.9.07) is Gymi in Dübädorf, neusprachlichs Profil. Ich han 4 Gschwüsterti (übrigens sind die meistä Sites da UR alt, also nöd wunderä ^^) zwei Chatzä (wo eigentlich allnä ghöred) und zwei Hasä (wobi eigentlich nur einä mir ghört).

Jetzt chömäd d Stichwort:

Ich bin öppä 1.63 gross, ca 54 Kilo schwär... dä Rest gsend er uf em Foti :D.

Ich lisä gern, vor allem vom Wolfgang Hohlbein und vo dä Stephenie Meyer (bitte, Verlag, bring dä dritti Teil usä!)

Ich losä au vil musig, Goo Goo Dolls (Yeah!), Avril (aber nur die vo dä „Skater-Boy Avril“, d „Prinzässli Avril“ gaht mer zimlich gäg dä Strich), Pink... eigentlich alles, was guät isch ^^

Ich gangä is Musical vo Züri 10, das Jahr füärämer Romeo + Julia uf. Chum doch ad Vorstellig! Nur d Gala-Vorstellig chostet, dä Rest isch gratis xD.

Ich han germ Smileys: -.-“ ^^ ^.^ ;.; ô.o xD :D C: (<- dä hani ere Kollegin gchlaut xD)

Ich mus di warnä: Ich bin mängisch zimli abdreiht. Ich lachä, obwohl ich sälbär nöd weiss werum, singä ganz lut bi Michael Jackson Liäder mit oder machä susch öppis doofs. Mis Mami seit, das seg nur ä phasä, ich weiss aber nöd, öb das stimmt... :D

Wäni dussä bin, dänn meistens bi Kollegä oder i dä Schuäl (ich stah nöd uf „umähängä“, das isch mer z langwilig, und ich chan mini Zit anderch besser nutzä)

Ich Rauchä nöd, Kiffä nöd und nim au kei Drogä oder so öppis (hani übrigens au no niä, ich haltä nöd vil dervo)

Ich bin sit öppä drü Mönät Fegi (nur Fleisch. Fisch, Milch, Eier usw sind keis Thema für mich)

Ich hassä ufzgi, aber no meh hassi mänschä wo s gfühl händ, sie seget öppis bessers und diä andere wiä dräck behandlet.

Mini MSN addy chasch ha, aber nur wännd würkli mit mir schnurä wotsch, diä Lüt wo Addis sammled, damits bi dä Kollegä nachher chönd go ageh, wie viel Fründä sie doch händ oder eifach so alli addis speichered, wos id finger bechömäd, chani nöd ha!
Wänn du aber nöd zu derä Kathegorie ghörsch: ally_spay@ yahoo. de (ohni Lehrzeichä wärs en Link, drum hanis mit gschribä xD)

Alsu, das wärs erstmal vo mir ^^
Wer weiss, vielicht fallt mir später no öppis i xD

Tschüss!

Aline